الشاعر: وفيق حبيب
مركب ينده ع البحرية
يا بحرية هيلا هيلا
شدوا الهمة الهمة قوية
جرح بينده للحرية
يا بحرية هيلا هيلا
طلع الغرب الغرب بيصفر
تحت المينا الجوع بيحفر
يا بحرية هيلا هيلا
طلع البحر البحر بيبكي
دمع بيحكي القلب بيشكي
يا بحرية هيلا هيلا
يا ريس ريس هالمينا
معروف القلعة جاينا
يا بحرية هيلا هيلا
خلف القلعة قلعة نحنا
ساحات الدنيا مطارحنا
يا بحرية هيلا هيلا
صوت جنوبي جنوبي بسمع
وجنوبي للنخوة مقلع
يا بحرية هيلا هيلا
صوت جنوبي جنوبي بسمع
وشريط الخيانة بنزع
يا بحرية هيلا هيلا
التعليقات
0 التعليقات:
إرسال تعليق